У Брэсце абрынулася брама бернардынскага кляштара

Брэст
У Брэсце 17 лютага абрынулася арка брамы бернарынскага кляштара, які знаходзіцца на тэрыторыі сучаснай Брэсцкай крэпасці блізу праваслаўнага Раства-Багародзічнага жаночага манастыра.

Нягледзячы на намаганні валанцёраў, якія клапоцяцца аб захаванні рэшткаў самага старога будынку з тых, што захаваліся на сённяшні дзень у Брэсце, кансервацыя руінаў мясцовымі ўладамі адкладваецца. У выніку арка брамы кляштара абрынулася пры спробе валанцёра яе ўмацаваць, практычна ў той момант, калі пад ёй меліся прайсці аглядальнікі. Пра здарэнне напісаў у сацыяльных сетках сам валанцёр, паведамляе euimedia.com.

У 1605 годзе каталікамі-бэрнардынамі былі ўзведзены драўляныя пабудовы, касцёл і кляштар. З ахвяраванняў Льва Сапегі і Яна Галемскага замест драўлянага пачалося будаўніцтва мураванага касцёла, які ў 1623 годзе быў асвечаны ў імя Яна Хрысціцеля і святой Ганны. Праз год быў таксама заснаваны і жаночы драўляны кляштар. Пазней тут жа былі ўзведзеныя каменны касцёл і кляштар бэрнардынак, пабудова якіх скончылася ў 1750 годзе.

Да 1941 года ў кляштары, пераробленым для патрэбаў крэпасці, размяшчаўся шпіталь. У яго мурах і былі ўзятыя ў палон параненыя і медыкі з мядсёстрамі, якіх пасля немцы выкарысталі як “жывы шчыт” супраць абаронцаў крэпасці.

Пасля развалу СССР будынак паступова разбураўся.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
19.02.2016 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты