«Наша Ніва»: Святар напісаў свой партрэт у нацысцкай форме

РНЕ
Газета “Наша Ніва” выклала новыя фатаздымкі праваслаўнага святара Канстанціна Бурыкіна з мінскага Гатава, супраць якога 23 лістапада Следчы камітэт распачаў крымінальную справу па ч.2 арт. 295 (незаконныя дзеянні датычна баепрыпасаў) КК.

Прэс-служба БПЦ паведаміла аб пазбаўленні святара сана – пакуль часова, на час следства.

Адзін з фотаздымкаў з’яўляецца рэпрадукцыяй карціны, на якой экс-святар выяўлены ў нацысцкай форме Другой сусветнай вайны, побач з ім – нябожчынца-жонка і дзеці, апранутыя ў стылі 30-ых гадоў.

РНЕ
«Таксама ён карціну намаляваў, дзе ўся нашая сям’я, яшчэ маці жывая… Мы разам стаім усе ў такім стылі, як у Германіі быў. У яго яшчэ на руцэ чырвоная павязка са свастыкай была…», – апавёў прыёмны сын Бурыкіна Аляксей, паведамляе “Наша Ніва”.

На іншых здымках экс-святар дэманструе нацысцкае вітанне з узнятай рукой, таксама добра бачныя ягоныя тату: свастыка, герб Трэцяга рэйху і словы «Слава Расіі» (дэвіз неанацысцкага Рускага Нацыянальнага Адзінства).

Раней “Камсамольская праўда у Беларусі” выклала здымак люстры святара, дзе запаленыя лямпачкі размешчаныя ў форме свастыкі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі