«Белгазпрамбанк» вярнуў у Беларусь «Малую падарожную кніжку» Скарыны

книга
«Белгазпрамбанк» паведаміў 16 лютага пра папаўненні карпаратыўнай калекцыі «Малой падарожнай кніжкай», надрукаванай Францішкам Скарынам у Вільні ў 1522 годзе.

Помнік нацыянальнай кніжнай культуры набыты банкам з нагоды 500-годдзя беларускага кнігадрукавання, паведамляе tut.by.

Эксперты лічаць менавіта гэтую кнігу першай кнігай, выдадзенай на беларускіх землях. У 1520 годзе Францішак Скарына прыехаў у Вільню і пры падтрымцы бурмістра Якуба Бабіча ў 1522-м выдаў «Малую падарожную кніжку», а ў 1525-м — кнігу «Апостал».

«Малая падарожная кніжка» (таксама званая «кніжыцай») з’яўляецца «Часасловам для свецкіх», — зборам царкоўных кніг невялікага фармату, прызначаных для падарожнікаў: «Псалтыр», «Часословец», «Шестидневец», «Соборник», акафісты, каноны.

Гэта 18 кніг, сабраных разам у адзін пераплёт. Яны ўпрыгожаныя унікальнымі гравюрамі, застаўкамі і ініцыяламі.

Поўных асобнікаў «Малой падарожнай кніжкі» не захавалася. Найбольш захаваныя асобнікі маюцца ў бібліятэках Масквы, Капенгагена і Санкт-Пецярбурга. Самыя поўныя — у Расійскай нацыянальнай бібліятэцы (20 кніг), у Каралеўскай бібліятэцы ў Капенгагене (18 кніг).

Асобнік «Белгазпрамбанка» — адзіны ў Беларусі.

VK

Каментары





Блогі