Дабрачынная акцыя «Падрыхтоўка да школы» адбылася ў царкве “Новае жыццё” ў Мінску

хпе-akcia Дабрачынная акцыя «Падрыхтоўка да школы» прайшла ў царкве «Новае Жыццё» 18 жніўня. Вернікі дапамаглі сабраць у школу дзяцей са шматдзетных, няпоўных сем’яў, а таксама сем’яў, якія выхоўваюць прыёмных дзяцей.

Для гэтага сіламі вернікаў царквы былі сабраныя канцтавары, ранцы,  адзенне і абутак, з якой чыесці дзеці ўжо выраслі. Было нямала і новага адзення і абутку, перадае newlife.by .

Падлеткі з царквы дапамаглі сартаваць і раскладваць па памерах абутак, школьныя касцюмы і кашулі для хлопчыкаў, сарафаны, спадніцы і блузкі для дзяўчынак, заколкі, банты і абручы для валасоў. Таксама былі прыгатаваныя наборы канцтавараў.

Дырэктар Нядзельнай школы Аліна Бяспалава распавяла, што дапамогай ў дзень акцыі змаглі скарыстацца трынаццаць сем’яў, у тым ліку дзве прыёмныя сем’і, якія стварылі дзіцячы дом сямейнага тыпу.

«Дзякуючы таму, што да гэтага мерапрыемства падключылася ўся царква, мы змаглі дапамагчы значна большай колькасці людзей, чым планавалася першапачаткова, – паведаміла Аліна Бяспалава. – Спадзяемся, што ўсё гэта стане добрай дапамогай для бацькоў пры падрыхтоўцы іх дзяцей да навучальнага года. Вялікі дзякуй усім, дзякуючы каму гэтая акцыя адбылася! ».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
21.08.2014 Дабрачыннасць| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты