Выява Святога Юзафа вярнулася ў касцёл ў Друі

оля
Мастачка побач з творам

Выява Святога Юзафа, адно з галоўных упрыгожванняў касцёла Найсвяцейшай Тройцы ў Друі, зноў заняла сваё месца блізка алтара. Арыгінальны абраз св. Юзафа, знішчаны ў савецкім часе, быў створаны недзе на мяжы XVIIIXIX стагоддзяў.

Ад колішняй выявы засталася адна невялікая копія вышынёй палову метра. Яна стала падставай для працы мастачкі Вольгі Куваевай, якая правяла ў Друйскім кляштары два тыдні, працуючы над стварэннем новага св. Юзафа. Працуючы ў намоленай келіі, мастачка, па ейных словах, адчула ўсю веліч і асбалівасць такой працы, перадае grodnensis.by.

“Вяртанне абраза, – кажа пробашч касцёла кс. Сяргей Сурыновіч, – адзін з крокаў па аднаўленні знішчанага алтара Друйскай святыні”.

Абраз будзе асвечаны Апостальскім нунцыем Клаўдыё Гуджэроцці 31 жніўня падчас урачыстасцяў, прысвечаных 100-годдзю нараджэння біскупа Чэслава Сіповіча.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі