Стала вядомая праграмма святкавання 100-годдзя біскупа Чэслава Сіповіча

сиповичСвяткаванне 100-гадовага юбілею з дня нараджэння біскупа  Чэслава Сіповіча – першага беларускага грэка-каталіцкага біскупа у ХХ-тым стагоддзі – пройдзе у Мінску і ў Друі.

Як паведамілі КРЫНІЦА.INFO ў Беларускай грэка-каталіцкай царкве, у суботу, 30 жніўня 2014 г. – у 10:00 гадз., у капліцы грэка-каталіцкай Парафіі Праведнага Язэпа ў г. Мінску, вул. Арджанікідзе д. 6, будзе адслужаная Архіерэйская Літургія з удзелам Апостальскага Нунцыя ў Беларусі арцыбіскупа Клаўдзія Гуджэроцці.

У нядзелю, 31 жніўня 2014 г., у Друі (Браслаўскі р-н) сумеснае – разам з рыма-католікамі – святкаванне 100-га Юбілею біскупа Чэслава.

На свята прыбудуць Апостальскі Нунцый у Беларусі арцыбіскуп Клаўдзій Гуджэроцці, Біскуп Віцебскі Алег Буткевіч, Апостальскі Візітатар для грэка-католікаў Беларусі архімандрыт Сяргей Гаек, асістэнт Апостальскага Візітатара для беларусаў замежжа мітрафорнага протаіерэя Аляксандра Надсана айцец Сяргей Стасевіч (Лондан).

15:00 гадз. – Акафіст да Багародзіцы.

сипович215:30 гадз. – Уводнае слова пра жыццё і дзейнасць біскупа Чэслава Сіповіча прамовіць  асістэнт Апостальскага візітатара для беларусаў замежжа мітрафорнага протаіерэя Аляксандра Надсана айцец Сяргей Стасевіч (Лондан).

16:00 гадз. – святая Імша у касцёле Найсвяцейшай Тройцы ў Друі, якую ўзначаліць і прамовіць гамілію Апостальскі Нунцый у Беларусі арцыбіскуп Клаўдзій Гуджэроцці.

Урачыстае адкрыццё памятнай табліцы з бюстам Біскупа Чэслава Сіповіча і асвячэнне абраза св. Юзафа, які напісала мастачка Воля Куваева.

31.08.2014 з Мінска паедзе аўтобусная Пілігрымка ў Друю (праз Браслаў); адпраўленне з Мінска ў 06:30.

Ёсць яшчэ свабодныя месцы, запісы па тэл. +375-29-3098602, с. Вікторыя.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі