Памятную шыльду і бюст уніяцкага біскупа Чэслава Сіповіча ўрачыста ўсталююць сёння ў Друі

сипович2
Бюст біскупа Чэслава Сіповіча будзе стаяць у касёле ў Друі

Памятную шыльду і бюст  Чэслава Сіповіча — першага беларускага грэка-каталіцкага біскупа у ХХ стагоддзі і актыўнага дзеяча беларускай дыяспары за мяжой усталююць сёння  ў касцёле Найсвяцейшай Тройцы ў Друі (Віцебская дыяцэзія), паведамілі парталу КРЫНІЦА.INFO у парафіі. Таксама сёння будзе асвечаны абраз св. Юзафа, які напісала мастачка Воля Куваева.

 

Гэтыя падзеі стануць часткай урачыстасцяў, што адбудуцца сёння ў Друі з нагоды 100-годдзя біскупа Сіповіча, якое адзначаецца сёлета.

На святкаванні прыбудуць Апостальскі Нунцый у Беларусі арцыбіскуп Клаўдыё Гуджэроцці, біскуп Віцебскі Алег Буткевіч, Апостальскі візітатар для грэка-католікаў Беларусі архімандрыт Сяргей Гаек, асістэнт Апостальскага візітатара для беларусаў замежжа айца Аляксандра Надсана айцец Сяргей Стасевіч (Лондан).

Святкаванні пачнуцца ў 15 гадзін акафістам да Багародзіцы, затым уводнае слова пра жыццё і дзейнасць Біскупа Чэслава Сіповіча прамовіць  Сяргей Стасевіч. У 16:00 гадзін пачнецца святая Імша , якую ўзначаліць і прамовіць гамілію архібіскуп Клаўдзій Гуджэроцці.

Раніцай з Мінска ў Друю накіравалася аўтобусная пілігрымка. У суботу 30 жніўня ў капліцы грэка-каталіцкай Парафіі Праведнага Язэпа ў Мінску была адслужаная Архіерэйская Літургія з удзелам Апостальскага Нунцыя ў Беларусі.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
31.08.2014 Грамадства|




Блогі