Ватыкан не ўспрымае ўсур’ёз заявы пра магчымы замах ісламістаў на Папу

іракІзраільскія спецслужбы паведамляюць пра падрыхтоўку ісламістамі з Ісламскай дзяржавы Іраку і Леванту замаху на Папу Рымскага Францішка за яго асуджэнне гэтай тэрарыстычнай групы. Пра гэта паведамляе італьянскае выданне Il Tempo са спасылкай на неназваныя крыніцы ў спецслужбах.

Паводле Il Tempo, Пантыфік з’яўляецца для ісламістаў “найвялікшым прыкладам хрысціянскай рэлігіі” і “носьбітам хлуслівых ісцін”.

Разам з тым афіцыйны прадстаўнік Ватыкану кс. Фэдэрыка Ламбардзі ў інтэрв’ю Catholic News Agency заявіў пра несур’ёзнасць такіх заяваў. “У Ватыкане няма заклапочанасці з гэтай прычыны”, – сказаў ён.

У сваю чаргу прадстаўнік італьянскіх спецслужбаў у інтэрв’ю карэспандэнту Newsweek адзначыў, што Папа заўсёды знаходзіцца на агнявым рубяжы, але ж ісламісты ніколі не разглядаюць версіі пра замах на Папу і выбух у саборы святога Пятра, бо для іх Італія – “стратэгічнае месца, для падрыхтоўкі тэрактаў”, а “не галоўны вораг як ЗША ці Брытанія”.

Папа Рымскі Францішак у апошні час вельмі шмат увагі надзяляе сітуацыю ў Ірак і Сірыі, дзе хрысціяне і іншыя рэлігійныя меншасці знаходзяцца на мяжы выжывання. Пры гэтым ён неаднаразова заклікаў спыніць гвалт на Блізкім Усходзе.

Нагадаем, што развязаная джыхадзістамі з Ісламскай дзяржавы Іраку і Леванту вайна азначае заканчэнне гісторыі хрысціянскай абшчыны Іраку, якая паўстала тут яшчэ ў часы апосталаў. Пра гэта ў інтэрв’ю КРЫНІЦА.INFO заявілі адразу два беларускія эксперты, якія спецыялізуюцца на блізкаўсходняй праблематыцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
02.09.2014 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты