Услед за абвальваннем школы ў Крычаве ў Мінску гарэў дзіцячы садок

пажарУ Мінску 5 верасня каля 01:00 адбылося ўзгаранне ДУА «Яслі-садок №296» на першым паверсе двухпавярховага будынка па праспекце Незалежнасці, 151а. Дым сярэдняй канцэнтрацыі ішоў з вокнаў кухні на першым паверсе.

Як высветлілася, у памяшканні каморы кухні адбылося загаранне лядоўні 1971 выпуску, электронных настольных вагаў, дзвярнога палатна. Эвакуацыя не праводзілася. Пажар быў ліквідаваны праз 16 хвілін пасля выкліку, паведамілі ў Мінскім гарадскім упраўленні МНС.

Прычына пажару высвятляецца, верагодна, адбылося кароткае замыканне электраправодкі 43-гадовай лядоўні.

Як паведамляла КРЫНІЦА.INFO, раніцай 29 жніўня ў МНС паступіла паведамленне аб абрушэнні ў Крычаве (Магілёўская вобласць) часткі будынка гімназіі 1979 пабудовы.

Характэрна, што 18 жніўня, то бок, за 11 дзён да абвалу, магілёўскія ўлады заяўлялі, што «школы Магілёўшчыны практычна гатовыя да новага навучальнага года». Пашпарты гатоўнасці да новага навучальнага года яны павінны былі атрымаць да 20 жніўня.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
05.09.2014 Беларусь| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты