У Беларусі знялі кліп пра роўнасць фашызму і камунізму (відэа)

парад у брэсцеГарадзенскі гурт Dzieciuki прадставіў свой новы кліп на песню «Сумнае рэгі», зняты творчай суполкай «Тры макі». Па словах аўтара песні Дзяніса Жыгаўца, песня напісаная, каб нагадаць пра страшныя сымбалі ХХ стагоддзя ў Беларусі і паказаць роўнасць паміж крывавымі таталітарнымі рэжымамі, якія спустошвалі краіну.

У прыватнасці, у песні згадваецца Хатынь, як сімвал усіх спаленых вёсак Беларусі падчас другой сусветнай вайны, і Курапаты, якія сталі сімвалам сталінскіх рэпрэсій ў Беларусі. “Гэтай песняй мы ўшаноўваем памяць усіх бязвінна загінуўшых ад фашыстоўскага і бальшавіцкага рэжымаў», – кажа аўтар, паведамляе Tuzin.fm.

Кліп здымалі у Курапатах і Хатыні, а таксама пад Гродна. Адмыслова да выданьня кліпа брэнд LSTR распрацаваў цішоткі і лонгслівы з Двупагоняй – сімвалам змагання з  бальшавізмам і нацызмам. На ёй таксама выяўлена Маці Божая Вострабрамская, якая абараняе  і заступаецца за беларускі народ.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі