Вытокі “Крыніцы”: Z Radawaj Bielarusi. Pieršy krok

крыніцаКрыніца.INFO працягвае публікацыю матэрыялаў сваёй папярэдніцы – беларускай газеты «Krynica», што выдавалася ў 1917-1940 гадах спачатку ў Петраградзе, затым часова ў Менску і, нарэшце, у Вільні. Газета выдавалася кірыліцай і лацінкай. На гэты раз прадстаўляем вашай увазе матэрыял ад 8 кастрычніка 1926 года. Публікуем матэрыялы на мове арыгіналу.

Z Radawaj Bielarusi. Pieršy krok

Druhaja Sesija Centralnaha Wykanaŭčaha Kamitetu BSRR VI-ha sklikańnia wyznačyla terminy dla pierachodu na biełaruskuju mowu wa ŭradawych ustanowach. Astatni termin byŭ 15.VII.26.

Nia hledziačy na pastanowu sesii CWK i na ceły rad papiaredžańniaŭ Nacyjanalnaj Kamisii CWK ab nieabchodnaści pierachodu na biełaruskuju mowu, bolšaść supracoŭnikaŭ ustanoŭ mowy nia wiedajuć i jaje nie nawučylisia.

Bolš taho, značna pierawažnaja častka supracoŭnikaŭ nia tolki nie prychilna adnosilisia da wywučeńnia mowy, a nawat waroža.
Heta prymusiła Nackamisiju CWK, jakaja adpawiadaje za prawiadzieńnie nacpalityki na Biełarusi, pryniać pieršy krok da bolš rašučaha wykanańnia pastanoŭ wyšejšych sawieckich orhanaŭ u sprawie źniaćcia z pracy niewialikaj pakul što kolkaści supracoŭnikaŭ, nia wiedajučych mowy i nie zrabiŭšych ničoha dla jaje wywučeńnia.

Nackamisija papieradžaje, što tyja z supracoŭnikaŭ, niezaležna z zajmajemych imi pasadaŭ, jakija nia buduć wiedać biełaruskaj mowy, buduć nieadkładna zwolnieny z pracy biaz prawa pastupleńnia na pasadu ŭ miežach BSRR.

(З Радавай Беларусі. Першы крок

Другая Сэсія Цэнтральнага Выканаўчага Камітэту БСРР WI-га скліканьня вызначыла тэрміны для пераходу на беларускую мову ва ўрадавых установах. Астатні тэрмін быў 15.WII.26.

Ня гледзячы на пастанову сэсіі ЦВК і на цэлы рад папярэджаньняў Нацыянальнай Камісіі ЦВК аб неабходнасьці пераходу на беларускую мову, большасьць супрацоўнікаў устаноў мовы ня ведаюць і яе не навучыліся.

Больш таго, значна пераважная частка супрацоўнікаў ня толькі не прыхільна адносіліся да вывучэньня мовы, а нават варожа.

Гэта прымусіла Нацкамісію ЦВК, якая адпавядае за правядзеньне нацпалітыкі на Беларусі, прыняць першы крок да больш рашучага выкананьня пастаноў вышэйшых савецкіх органаў у справе зьняцьця з працы невялікай пакуль што колькасьці супрацоўнікаў, ня ведаючых мовы і не зрабіўшых нічога для яе вывучэньня.

Нацкамісія папераджае, што тыя з супрацоўнікаў, незалежна з займаемых імі пасадаў, якія ня будуць ведаць беларускай мовы, будуць неадкладна звольнены з працы бяз права паступленьня на пасаду ў межах БСРР.)

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі