Полацкая епархія арганізавала адукацыйную вандроўку для школьных настаўнікаў

pedagogiЭкскурсійную вандроўку па святынях Полаччыны для педагогаў наваполацкіх школ арганізаваў аддзел рэлігійнай адукацыі і катэхізацыі Полацкай епархіі. Мэтай вандроўкі, якая адбылася 5 кастрычніка, стала спроба пашырыць кругагляд школьных настаўнікаў у плоскасці праваслаўнай культуры.

Як паведамляе сайт Полацкай епархіі, у маршрут былі ўключаныя храм Нараджэння Прасвятой Багародзіцы ў вёсцы Лужкі пад Шаркаўшчынай, дзе настаяцель протаіерэй Пётр Бараноўскі гасцінна сустрэў настаўнікаў і распавёў пра гісторыю храма і жыцця прыхода, а таксама кафедральны сабор Нараджэння Прасвятой Багародзіцы ў Глыбокім. Глыбоцкі святар протаіерэй Сергій Грамыка пагутарыў з настаўнікамі аб асаблівай адказнасці педагогаў за духоўнае адраджэнне грамадства.

Заключным прыпынкам паломніцтва стаў Свята-Панцеляймонаў жаночы манастыр у Браславе, дзе педагогаў чакала манастырская трапеза, а затым – павучальная гутарка архіепіскапа Полацкага і Глыбоцкага Феадосія.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі