Да 100-годдзя з дня нараджэння Кардынала Казіміра Свёнтка у Нарачы арганізаваная фотавыстава

300px-Kazimir_Sviontek_02У Нарачанскай парафіі святога Андрэя вернікі распачалі духоўную падрыхтоўку да святкавання 100годдзя са дня нараджэння Ксяндза-кардынала Казіміра Свёнтка, якое пройдзе 21 кастрычніка.

Да юбілею іерарха падрыхтавалі фота-выставу “Жыццё як катэхізіс”, дзе прадстаўлены асноўныя моманты яго гераічнага жыцця. Як паведамляе catholic.by, у парафіяльнай бібліятэцы парафіяне змогуць пазнаёміцца з падборам кніг і часопісаў пра жыццё і дзейнасць Іерарха.

Для малых парафіянаў будзе праведзены конкурс малюнкаў, а ў дзень святкавання ў 18.30 адбудзецца святая Імша , а перад ёй Адарацыя, дзе прагучаць урыўкі з гамілій ксяндза-кардынала Казіміра.

Нагадаем,што Казімір Свёнтэк – гераічны святар, які прайшоў лагеры ГУЛага, пасля двух смяротных прысудаў застаўся жывы і зрабіў тытанічную працу для адраджэння Беларускага Касцёла.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі