У Латвіі патрабавалі падтрымаць традыцыйную сям’ю

рыгаУ Рызе 25 кастрычніка адбылося шэсце ў падтрымку традыцыйных сем’яў, у якім удзельнічалі каля 150 чалавек. Сімвалам акцыі сталі фігуры бацькі, маці і дзяцей, акружаных чырвонымі сэрцам, сімвалізуючым абарону сям’і ў Латвіі.

Удзельнікі шэсця прайшлі ад Дома Кангрэсаў да будынка Сейма, дзе заклікалі дэпутатаў прыняць папраўкі да закона “Аб абароне правоў дзяцей”, ля Дома Чарнагаловых падзякавалі прэзідэнту Андрысу Берзіньшу за жаданне “падтрымаць традыцыйныя каштоўнасці ў Латвіі” і зачыталі ля Рыжскай думы заклік да падтрымкі традыцыйных сем’яў, паведамляе baznica.info.

Удзельнікі акцыі патрабавалі ад урада Латвіі пастанавіць, што палавое выхаванне дзяцей ва ўстановах адукацыі і па даглядзе за дзецьмі павінна абапірацца на традыцыйныя сямейныя каштоўнасці і шлюб як саюз паміж мужчынам і жанчынай. Дэпутатаў заклікалі забараніць папулярызацыю сэксуальных адносін ва ўстановах адукацыі і па даглядзе за дзецьмі, прыцягненне дзяцей да конкурсаў прыгажосці і іншых мерапрыемстваў, галоўнай мэтай якіх з’яўляецца адзнака іх знешняга выгляду, папулярызацыя і рэклама сэксуальных адносін.

Мерапрыемства завяршылася ля помніка Свабодзе выступам лютэранскага святара Паўла Левушкана, які адзначыў, што будучыня Латвіі ў выкананні волі Бога і плана, «які Бог даў усяму чалавецтву».

«Гэты план выкладзены ў дзесяці запаведзях. З іх прынамсі тры тычацца наўпрост сям’і. А запаведзь пра шанаванне бацькі і маці – асновы сям’і – гэта адзіная запаведзь з абяцаннем ад Бога. Калі ты будзеш шанаваць бацькоў – працягнуцца дні твае на зямлі. Але выканаць яе можна толькі ў тым выпадку, калі мы захаваем аснову грамадства, яго вочка – традыцыйную сям’ю. І тут слова «традыцыйны» азначае не тое, што глядзіць у мінулае. Гэта азначае, што сям’я – гэта вечнае ўсталяванне Бога. Звернутае як у мінулае, так і ў будучыню. Мы за сям’ю. Мы за чыстыя адносіны. Мы за шчасце для нашых дзяцей, нашых унукаў, за будучыню для нашай любімай краіны. Бог – захоўвай Латвію!» – заявіў святар.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
25.10.2014 У свеце| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты