П’яная брэстаўчанка перавозіла ў аўто чацвярых дзяцей

алкагольУ Брэсце 30 кастрычніка супрацоўнікі ДАІ на вуліцы Чырванасцяжнай каля 08:00 спынілі аўтамабіль Hyundai. У салоне машыны пад кіраваннем 35-гадовай жыхаркі горада была яшчэ адна жанчына, а на заднім сядзенні – чацвёра малалетніх дзяцей. Размова з кіроўцам навяла інспектара на думку, што жанчына п’яная. Медагляд паказаў 0,68 праміле алкаголю ў парах выдыханага ёю паветра.

Па словах кіроўцы, напярэдадні вечарам яна выпіла бутэльку піва, а раніцай пагадзілася падвезці суседку з дзецьмі. На жанчыну-вадзіцеля складзены тры адміністрацыйныя пратаколы, а аўтамабіль адпраўлены на штрафстаянку. Брэстаўчанцы пагражае пазбаўленне правоў на тры гады і буйны штраф, перадае БелТА.

Як паведамляла Крыніца, п’яная мінчанка прывезла сына ў школу, хоць сям’я жыве ў 10 хвілінах хады ад навучальнай установы. Інспектары ДАІ зрэагавалі на занадта хвацкі стыль кіравання – машына ўляцела на школьную тэрыторыю, ігнаруючы забараняльны знак.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі