Праваслаўныя святары правялі малебен у Курапатах

курапатыНапярэдадні дня ўшанавання Сабору навамучанікаў і вызнаўцаў зямлі беларускай 1 лістапада ва ўрочышчы Курапаты па благаславенні мітрапаліта Мінскага і Заслаўскага Паўла адбылося памінальнае богаслужэнне за ўсіх нявінна забітых у Айчыне нашай.

Удзельнікі паніхіды малітоўна ўшанавалі памяць дзясяткаў тысяч суайчыннікаў, якія былі растраляны і пахаваны ў Курапатах у час рэпрэсій 1937 – 1941 гадоў, паведамляе sppsobor.by.

Пасля паніхіды клірык Свята-Петра-Паўлаўскага сабора іерэй Адрыян Латушка адзначыў, што Курапаты — цёмная старонка беларускай гісторыі, і ў знішчэнні свайго народа ўдзельнічалі таксама і хрышчоныя людзі. На думку святара, трагічныя падзеі першай паловы ХХ ст. як і сучасныя ваенныя супрацьстаянні ў краінах-суседзях сведчаць пра працяг барадзьбы паміж Богам і д’яблам за сэрца чалавека. Спыніць гэтае зло можна толькі праз любоў да бліжняга, выкананне запаведзяў Божых.

Святар не выключае, што у Курапатах ляжаць святыя мучанікі, пра якіх мы пакуль не ведаем. “Будзем верыць, што Гасподзь адкрые нам іх імёны”, — адзначыў ён.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі