Школьнікам Бабруйска распавялі з чаго складаецца сямейнае шчасце

сям'яДухоўна–асветніцкі цэнтр у гонар прмц. вялікай княгіні Марыі 17 лістапада наведалі навучэнцы 9-га класа сярэдняй школы № 7 Бабруйска.

Па жаданні школьнікаў, кіраўнік аддзела адукацыі і катэхізацыі пры Мікола-Сафійскім храме Алена Агафонава  прачытала ім лекцыю “Інгрэдыенты сямейнага шчасця», паведамляе bobruisk.hram.by.

Яна распавяла, што шлюб падобны на выпяканне торта, для падрыхтоўкі якога неабходны час і цярпенне, а таксама пэўны набор прадуктаў.

Ёсць і інгрэдыенты (складнікі) сямейнага шчасця, без якіх атрымліваць асалоду ад сямейнага жыцця немагчыма.

Першы: аснова шлюбу ў тым, што мужам і жонкай могуць быць толькі мужчына і жанчына.

Другі – цнатлівасць, захаванне дашлюбнай чысціні і ўсведамленне таго, што шлюбныя адносіны належаць толькі мужу і жонцы.

Трэцяя ўмова шчаслівай сям’і – афіцыйна зарэгістраваныя адносіны.

Чацвёрты інгрэдыент – правільная іерархія ў сям’і, дзе муж кіраўнік і жонка пад яго надзейнай абаронай, дзеці ў паслухмянстве ў бацькоў. А муж адказвае за ўсю сям’ю перад Богам.

Пяты: у аснове сям’і павінна быць любоў і вернасць.

Шосты пласт – гэта незалежнасць ад бацькоў і прыняцце адказнасці за сваё сямейнае жыццё.

Сёмы інгрэдыент сямейнага шчасця – адкрытасць на нараджэнне дзяцей і працяг роду.

Восьмы, заключны – павага да чалавечага жыцця, у сям’і кожны павінен адчуваць сябе ў бяспецы, асабліва дзеці і старыя, таму ў шчаслівай сям’і няма месца абортам і эўтаназіі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.11.2014 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты