Выпускнікоў праваслаўных семінарый могуць адправіць у армію

солдатВельмі дрэнна, што студэнты праваслаўных семінарый не праходзяць вайсковую службу, заявіў 20 лістапада на пасяджэнні каардынацыйнай рады па распрацоўцы і рэалізацыі сумесных праграм супрацоўніцтва паміж органамі дзяржкіравання і Беларускай праваслаўнай царквой Патрыяршы Экзарх усяе Беларусі, Мітрапаліт Мінскі і Заслаўскі Павел.

На яго думку, без службы ў войску семінарысты «да старасці будуць матулінымі сыночкамі». «Можа, пасля семінарыі, каб не парушаць працэс вучобы, трэба адпраўляць іх у войска», – сказаў ён, перадае БелТА.

На тэрыторыі Ваеннай акадэміі могуць пабудаваць храм

Ваенная акадэмія Беларусі прапрацоўвае пытанне аб узвядзенні храма-помніка вайсковай славы на сваёй тэрыторыі, паведаміў старшы выкладчык кафедры ідэалагічнай працы ВНУ Іван Саблін. У храме можна будзе ўрачыста адсвяткаваць любое свята, здзейсніць таямніцы шлюбу і хрышчэння, у святочнай абстаноўцы прысвоіць воінскае званне, выпусціць новаспечаных афіцэраў, сказаў ён.

Паводле яго слоў, 84,5% курсантаў Ваеннай акадэміі вызнаюць праваслаўе, крыху больш за 10% – каталікі, каля 4,8% лічаць сябе атэістамі.

На пасяджэнні прадстаўнікі Мінабароны і БПЦ разгледзелі рэалізацыю сумесных мерапрыемстваў, абмеркавалі вынікі ўзаемадзеяння Царквы з навучальнымі ўстановамі ваеннага ведамства, вывучылі досвед працы з дапрызыўнай моладдзю і падрыхтоўкі яе да службы ў войску, актуальныя праблемы абароны маральнасці і духоўнасці ў кантэксце сучасных выклікаў і рызык.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.11.2014 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты