Хрысціянскія журналісты на семінары ў Мінску вучыліся пісаць тэксты для сайтаў

Другі семінар Мінск 10Другі інфармацыйна-практычны семінар для хрысціянскіх журналістаў прайшоў у Мінску 22 лістапада і быў прысвечаны практычным аспектам правядзення інтэрв’ю і падрыхтоўкі якасных матэрыялаў для інтэрнэт-сайтаў.

Як зрабіць добрае інтэрв’ю распавёў падчас семінара галоўны рэдактар парталу КРЫНІЦА.INFO Анатоль Шырвель. Медыя-трэнер Паўлюк Быкоўскі падзяліўся тэхналогіямі пошуку і распрацоўкі тэм для публікацый і правёў практыкум па напісанні журналісцкіх матэрыялаў. Таксама былі абмеркаваныя пытанні далейшага практычнага ўзаемадзеяння ў рамках грамадзянскай ініцыятывы «Супольнасць хрысціянскіх журналістаў і блогераў» (СХЖБ).

Удзел у працы семінара прынялі 16 прадстаўнікоў медыя, якія асвятляюць рэлігійнае жыццё грамадства, блогеры, а таксама супрацоўнікі царкоўных і канфесійных сайтаў, удзельнікі медыя-служэння і жадаючыя развівацца ў гэтым напрамку.

Арганізатарамі сустрэчы выступілі СХЖБ і хрысціянскі інфармацыйны партал КРЫНІЦА.INFO . Першы з серыі семінараў для жыхароў сталіцы і Мінскай вобласці прайшоў 1 лістапада . Чакаецца, што наступныя семінары ў Мінску будуць прысвечаны пытанням распрацоўкі і рэалізацыі інфармацыйных канцэпцый і інфармацыйных стратэгій хрысціянскіх сайтаў. Плануецца прадоўжыць правядзенне семінараў у рэгіёнах Беларусі для садзейнічання творчаму і прафесійнаму росту журналістаў і блогераў на месцах.

Фота Надзеі Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.11.2014 Навіны Супольнасці, Фотарэпартаж| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты