У пасёлку Міроўшчына адслужылі паніхіду аб перапахаваных невядомых воінах

voinyНастаяцель храма праваслаўных святых князёў Барыса і Глеба вёскі Накрышкі Дзятлаўскага благачыння іерэй Аляксей Сцепановіч прыняў удзел у перапахаванні воінаў, якія загінулі ў Вялікай Айчыннай вайне і парэшткі якіх былі выяўленыя каля аграгарадка Міроўшчына.

22 лістапада ў Міроўшчыне адбыліся паніхіда і жалобны мітынг, на якім прысутнічалі таксама прадстаўнікі райвыканкама і арганізацыі воінаў-афганцаў, паведамляе eparhia.by.

У сваім выступе а. Аляксей падкрэсліў непазбыўнасць памяці аб тых, хто загінуў: «Гэтая памяць жыве ў кожнай сям’і, таму што ў кожнай сям’і ўспамінаюць рожных, што не прыйшлі з вайны». Нагадаў святар і словы Хрыста Збавіцеля: «Няма той большай любові, як хто душу пакладзе за бліжняга свайго».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі