У Брэсце п’яная жанчына ледзь не забіла нованароджанага сына

алкаголь-280x188У Берасці 22 лістапада каля 00:00 п’яная жанчына 1994 года нараджэння, якая знаходзіцца ў адпачынку па даглядзе за дзіцём, збіла, быўшы п’янай, свайго сына 2014 нараджэння. Дзіця ў 07:10 даставілі ў лякарню з чэрапна-мазгавой траўмай.

Па факце здарэння ўзбуджана крымінальная справа па ч. 1 арт 14 (замах на злачынства), 139 КК Рэспублікі Беларусь (забойства), паведамілі ў міністэрстве ўнутраных спраў Беларусі.

Падазраваная затрыманая. Паводле яе слоў, напярэдадні здарэння яна распівала спіртныя напоі, а бацька іх дзіцяці быў на працы. Сын стаў плакаць і яна, каб яго супакоіць, нанесла не менш за пяць удараў далонню па твары, кідала яго на канапу і ложак, пасля чаго легла спаць. Дзіця, пры дыханні якога былі хрыпы, раніцай знайшоў бацька, адзначылі ў Следчым камітэце.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі