У Брэсце памерла збітае маці пяцімесячнае дзіця

калыска27 лістапада ў шпіталі Брэста памерла пяцімесячнае дзіця, збітае ўласнай маці ў ноч на 22 лістапада. Жанчына затрыманая, змешчаная ў ізалятар часовага ўтрымання. Рыхтуюцца матэрыялы для прад’яўлення ёй абвінавачвання.

Следства будзе хадайнічаць перад пракуратурай аб прымяненні ў дачыненні да падазронай меры стрымання ў выглядзе заключэння пад варту, паведамілі ў Следчым камітэце.

Як паведамляла Крыніца, у Берасці 22 лістапада каля 00:00 п’яная жанчына збіла свайго сына 2014 нараджэння. Паводле яе слоў, яна распівала спіртныя напоі, а бацька дзіцяці быў на працы. Сын стаў плакаць і яна, каб яго супакоіць, нанесла не менш за пяць удараў далонню па твары, кідала яго на канапу і ложак, пасля чаго легла спаць.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі