Беларусы змогуць дыстанцыйна навучацца ў Тэалагічнай акадэміі Бірмінгема

бірмінгемБеларускія студэнты, не чакаючы адкрыцця Тэалагічнай акадэміі імя святога Яна Паўла ІІ у Мінску, змогуць распачаць дыстанцыйнае навучанне ў Тэалагічным інстытуце Бірмінгема. Пра гэта арцыбіскуп Мінска-Магілёўскі Тадэвуш Кандрусевіч дамовіўся падчас сустрэчы з кіраўніцтвам навучальнай установы Бірмінгема.

Для дыстанцыйнай вучобы неабходна валодаць англійскай мовай. Выпускнікі атрымаюць зацверджаныя Ватыканам дыпломы, паведамляе catholic.by.

У той жа дзень адбылася таксама сустрэча арцыбіскупа Тадэвуша Кандрусевіча з бірмінгемскім арцыбіскупам Бернардам Лонглі, які паабяцаў дапамагчы ў арганізацыі навуковага працэсу ў будучай Тэалагічнай акадэміі імя святой Яна Паўла ІІ дзеля перадачы досведу Тэалагічнага інстытута Бірмінгема, у прыватнасці, вопыту дыстанцыйнага навучання.

Таксама беларускі іерарх прыняў удзел у цырымоніі ўручэння дыпломаў выпускнікам, магістрам і навукоўцам са ступенню доктара Тэалагічнага інстытута Бірмінгема. Апроч таго, Тадэвуш Кандрусевіч цэлебраваў святую Імшу для дзяцей каталіцкай школы Бірмінгема ў касцёле Найсвяцейшай Панны Марыі. Гамілію ён пабудаваў у форме дыялогу, задаючы дзецям пытанні аб значэнні Адвэнту і Божага Нараджэння.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі