Сайт і кнігі «Сведак Іеговы» забаранілі ў Расіі

егавістыВярхоўны суд Расіі прызнаў экстрэмісцкім сайт “Сведак Іеговы” і тры кнігі арганізацыі. У прыватнасці, экстрэмісцкім прызнаны сайт http://jw.org і распаўсюджваемыя на сайце кнігі «Чаму на самой справе вучыць Біблія?», «Набліжаемся да Госпада» і «Прыходзь і ідзі за мной».

Гэта ўжо не першы выпадак крымінальнага пераследу «Сведак Іеговы» у Расіі. У 2004 годзе Маскоўскі суд забараніў дзейнасць абшчыны арганізацыі, прызнаўшы яе вінаватай у вярбоўцы дзяцей, падахвочванні вернікаў парваць з сем’ямі, да самагубства і адмовы ад меддапамогі, паведамляе РАПСИ.

У снежні 2013 года быў прыцягнуты да крымінальнай адказнасці лідар табольскай групы «Сведак Іеговы», абвінавачаны ў экстрэмізме і забароне на пераліванне крыві, з-за чаго магла загінуць адна з верніц.

У студзені 2014 года Курганскі суд прызнаў экстрэмісцкімі брашуры СІ «Як дасягнуць шчасця ў жыцці», «На што можна спадзявацца людзям?», «Як развіць блізкія адносіны з Богам» і «Што трэба ведаць пра Бога і Яго сэнсе».

Як паведамляла Крыніца, у беларускія дзяржорганы паступаюць скаргі грамадзян і вернікаў іншых канфесій на прадстаўнікоў рэлігійных суполак «Сведак Іеговы».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі