У Мінску пройдзе духоўна-асветніцкая выстава-кірмаш «Раство Хрыстова»

выставаМіжнародная духоўна-асветніцкая выстава-кірмаш «Раство Хрыстова» пройдзе ў Мінску з 27 снежня па 5 студзеня. У Палацы мастацтваў збяруцца больш за 100 удзельнікаў з Беларусі, Расіі, Украіны, Малдовы, Сербіі і Грэцыі.

На выставе можна будзе выбраць калядныя падарункі, далучыцца да праваслаўных традыцый сустрэчы Каляд; пагутарыць са святарамі, пісьменнікамі, акцёрамі, рэжысёрамі; пабываць у літаратурна-музычнай гасцінай; стаць удзельнікам «Каляднай майстэрні»; наведаць выставу дзіцячага малюнка «Калядная палітра»; малышам пагуляць і паласавацца ў «Дзіцячай гасцінай»; прыняць удзел у дабрачыннай акцыі «Анёл Міласэрнасці»; наведаць больш дзелавыя і пазнавальныя праграмы для дарослых: круглыя сталы, семінары, лекцыі, паведамляе sobor.by.

На выставе праваслаўныя манастыры, храмы, выдавецтвы і майстры прадставяць сваю прадукцыю: святыні манастыра, іконы друкаваныя, пісаныя, у старадаўніх акладах, прадметы царкоўнага ўжытку для дома і храма, аўдыё- і відэапрадукцыю для дарослых і дзяцей, вялікі выбар духоўнай літаратуры. Будуць прадстаўлены вырабы народных майстроў: сувеніры, кераміка, Гжэльская парцаляна, вырабы з прыродных камянёў, дрэва, вялікі выбар паўлава-пасадскіх і арэнбургскіх хустак і палантынаў, вырабы з казінага пуху, сувеніры і падарункі да Новага года і Калядаў, а таксама мёд і прадукты пчалярства, масла, гаючыя травы і бальзамы.

У наведвальнікаў будзе магчымасць падаць запіскі аб здароўі і спачыне сваіх родных і блізкіх у манастыры і храмы розных краін, у асабістай размове са святаром атрымаць параду і дапамогу ў вырашэнні праблем духоўнага жыцця.

На кірмашы практычна кожны дзень будуць праходзіць тэатральныя выступленні. Выступіць тэатр-студыя «Батлейка» СШ №16 Ліды, выхаванцы нядзельных школ пакажуць пастаноўкі «12 месяцаў», «Калядная фея з першага паверха», «Казка пра цара Салтана», а вядучы тэлевізійнай праграмы «Калыханка» Аляксандр Ждановіч (Маляваныч) прадставіць спектакль «Айбаліт».

Таксама пройдуць творчы вечар паэткі, спявачкі Вольгі Патрый, канцэрт-сустрэча з настаяцелем манастыра Святой Тройцы (Сербія) іераманахам Серафімам, творчая сустрэча з актрысай Ірына Нарбекавай, гутаркі-лекцыі «Радасць Хрыстовага нараджэння», «Сэнс і значэнне цудаў у хрысціянстве», «Роля чытання ў выхаванні сучаснага дзіцяці »і гэтак далей.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
11.12.2014 Абвесткі, Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты