Праваслаўныя святары Навагрудчыны дабраславілі салдатаў тэрміновай службы

prisjagaУ Лідзе ў 116-й гвардзейскай штурмавой авіябазе 13 снежня адбылася вайсковая прысяга маладога папаўнення. На ўрачысты мітынг, прысвечаны вайсковай прысязе, прыехаў настаяцель праваслаўнага храма святога Галакціёна пратаіерэй Расціслаў Лямачка, які выступіў са словам павучання і блаславення.

«Самае каштоўнае, што ёсць у чалавека – гэта жыццё, вялікі дар Божы. Маці добра ведаюць высокую цану жыццяў, якія яны падарылі сваім сынам. Яшчэ большую каштоўнасць набывае жыццё, якое чалавек прыносіць у дар, як ахвяру любові да блізкіх. А вайсковае служэнне – гэта і ёсць ахвяра, якую вы прыносіце ў дар сваёй Айчыне. Стаўцеся беражліва да блізкіх і ахвяруйце сабой», – сказаў святар салдатам, паведамляе eparhia.by.

У гэты ж дзень прыняцце вайсковай прысягі адбылося ў Наваградку ў 225 асобным радыё-тэхнічным палку асаблівага прызначэння. Па традыцыі на свята быў запрошаны настаяцель Барыса-Глебскага храма іерэй Мікалай Касяк. У сваім выступе а. Мікалай благаславіў маладых салдат добрасумленна выконваць воінскі абавязак, асвоіць вайсковую спецыяльнасць і адужваць духам і целам.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.12.2014 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты