У царкве “Благадаць” за тры дні прачыталі Новы Запавет

1418573482385928На працягу трох дзён 12-14 снежня вернікі царквы хрысціян веры евангельскай “Благадаць” Мінска збіраліся, каб сумесна прачытаць 27 кніг Новага Запавету.

Яўген Кот, моладзевы служыцель царквы “Благадаць”, пачаў першае служэнне хуткачытання, зачытаўшы Пс.118: 105 «Слова Тваё – светач нагам маім і святло сцежцы маёй», паведамляе cxbe.by.

Як адзначыў Дзямід Кісляк, гэта магчымасць паглыбіцца ў Слова Божае і гэта дабраславенне.

Першы дзень чытанняў быў адкрыты на маладзёжным служэнні ў пятніцу чытаннем Евангелля ад Матфея. Пяцёра чытальнікаў чыталі ўслых, а прысутныя сачылі па сваіх Бібліі або па тэксце, якія транслюецца на экране.

У другі дзень, суботу, чытанні пачаліся ў 10.00 і скончыліся ў 19.00 з перапынкамі на абед і чай. Былі прачытаныя кнігі ад Евангелля ад Марка да 2-га Паслання да Карынфянаў.

У нядзелю, 14 снежня, служэнне хуткачытання праходзіла з 17.00 да 20.00, былі прачытаныя кнігі Новага Запавету ад Паслання Галатаў да Адкрыцця.

Апошняю главу Адкрыцця прачыталi стоячы, што падкрэслівае чаканне вернікамі другога Прышэсця Хрыста.

Хуткачытанне Бібліі – выдатная магчымасць прачытаць Пісанне за кароткі час і атрымаць адкрыццё з Слова Божага. Вернікі ўжо не першы год збіраюцца на падобныя мерапрыемствы. Апошняе такое служэнне прайшло  13-15 снежня 2013 года.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі