Святары Полацкай епархіі надзялілі ўвагу састарэлым людзям

syarickiСустрэча састарэлых насельнікаў аддзялення кругласутачнага знаходжання ў Барунах, што пад Гальшанамі, з благачынным Браслаўскай праваслаўнай царкоўнай акругі пратаіерэем Анатолем Івановым адбылася 17 снежня.

Паспавядаўшы і прычасціўшы 8 чалавек, пратаіерэй Анатоль распавёў пацыентам пра значэнне Каляднага посту ва ўмовах прытулку для састарэлых, дзе няма магчымасці ўстрымлівацца ад той ці іншай ежы, бо насельнікі сілкуюцца тым, што ім прапанаванае. Святар параіў больш увагі надзяляць сваім паводзінам, стрымліваць язык, цярплівей ставіцца да суседзяў па палатах, а таксама, наколькі дазваляюць умовы пражывання, чытаць Святое Пісанне і духоўную літаратуру, больш маліцца, паведамляе eparhia992.by.

У Наваполацку па благаславенні настаяцеля прыхода Святога Міхала Арханёла пратаіерэя Аляксандра Шаховіча загадчыца гарадскога аддзялення дзённага знаходжання для пажылых людзей Ірына Дзмітрыева арганізавала духоўна-асветніцкую сустрэчу, прысвечаную духоўнай паэзіі і песні. 17 снежня ў госці ў аддзяленне прыйшлі аўтар двух паэтычных кніг Пётр Буганаў і выканаўца аўтарскіх песень Людміла Мяхедка. Таксама з пацыентамі пагутарыў а. Аляксандр Шаховіч, які распавёў пра вечныя каштоўнасці чалавечага жыцця і адказаў на пытанні.

16 снежня святары Глыбоцкага благачыння і сёстры сястрынства сабора Нараджэння Найсвяцейшай Багародзіцы ў Глыбокім наведалі псіханеўралагічны дом-інтэрнат для састарэлых і інвалідаў у вёсцы Пятрунава. Благачынны Глыбоччыны пратаіерэй Міхаіл Ізоітка і шэсць святароў Глыбоцкай акругі паспавядалі і прычасцілі ўсіх жадаючых хворых – больш за 120 чалавек. Падобныя візіты з мэтай духоўнага акармлення састарэлых здзяйсняюцца таксама ў Глыбоцкую раённую і Падсвільскую пасялковую больніцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.12.2014 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты