Епіскап Бабруйскі: XXI стагоддзе даўно наступіла, а ўзровень уцягнутасці багасловаў ў дыялог пра чалавека застаўся ранейшым

mejsoborНовы склад камісій Міжсаборнай прысутнасці Рускай Праваслаўнай Царквы быў зацверджаны на апошнім пасяджэнні Святога Сінода. Думкамі пра тое, у якіх кірунках павінна развівацца яго дзейнасць, у інтэрв’ю праваслаўнаму парталу Праўмір падзяліўся член камісіі Міжсаборнай прысутнасці па пытаннях тэалогіі, епіскап Бабруйскі і Быхаўскі Серафім (Беланожка).

На думку ўладыкі Серафіма, сёння як ніколі актуальнае выказванне знакамітага антраполага Леві-Строса – «XXI стагоддзе будзе стагоддзем гуманітарных навукаў, альбо яго не будзе», якому ўторыць епіскап Каліст (Уэр), запэўніваючы, што пытанні антрапалогіі павінны стаць цэнтральнымі для сучаснага багаслоўя.

«Праблема ў тым, што XXI стагоддзе ўжо даўно наступіла, а ўзровень уцягнутасці багасловаў ў дыялог пра чалавека застаўся, на маю думку, ранейшым. У той час, як ледзь не штодзённыя навуковыя адкрыцці разам з новымі тэхналогіямі прыўносяць у нашае жыццё і новыя светапоглядныя пытанні, – кажа ўладыка Серафім. – На сённяшні дзень з афіцыйных царкоўных дакументаў па гэтым пытанні мы маем толькі аднайменны раздзел Сацыяльнай канцэпцыі Рускай Праваслаўнай Царквы», паведамляе pravmir.ru.

На думку епіскапа Бабруйскага і Быхаўскага Серафіма, сёння неабходная пастаянная дзеючая працоўная група навукоўцаў і багасловаў, якія бесперапынна працуюць разам, альбо ж грамадская група, здольная прапанаваць той ці іншы законапраект.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
19.12.2014 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты