Яраслаў Раманчук: дэвальвацыя ў Беларусі ўжо ідзе

раманчукПашырэнне “шэрага і чорнага” рынкаў і зніжэнне даверу да банкаў прагназуе эканаміст Яраслаў Раманчук. Яшчэ да прыняцця Нацбанкам рашэння аб увядзенні 30-працэнтнага збору доллар набывалі па 12 тыс. рублёў.

Раманчук падзяляе меркаванне калегаў, што сваім рашэннем рэгулятар фактычна адчыніў дзверы для нелегальнага рынку валюты. У інтэрв’ю Еўрарадыё эканаміст прагназуе курс ад 13 да 15 тыс. за долар бліжэйшым часам.

“Людзі не разумеюць, чаму з імі размаўляюць мовай пагроз і блакіровак іх грошай, якія яны не могуць выкарыстаць нават на новы год. Калі гэта будзе працягвацца, “шэры” рынак будзе пашырацца. І тут можа пачацца самае страшнае, калі людзі пачнуць забіраць свае ўклады з банкаў”, – сказаў эксперт.

Яшчэ да рашэння Нацбанка долар набывалі па 12 тыс. рублёў і гэта яскравая прыкмета таго, што дэвальвацыя ужо ідзе, лічыць Раманчук. Эксперт бачыць прычыну ў сітуацыі на валютна-фінансавым рынку Расіі, але лічыць, што Нацбанк Беларусі мог бы ўсяго гэтага крызісу пазбегнуць, проста зараней прадугледзеўшы, што і на нас гэта скажацца.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі