Мітрапаліт Кандрусевіч назваў умовы візіту Папы ў Беларусь

францішакМітрапаліт Мінска-Магілёўскі, арцыбіскуп Тадэвуш Кандрусевіч 23 снежня на прэс-сустрэчы з беларускімі журналістамі назваў галоўныя ўмовы візіту ў Беларусь Папы Рымскага Францішка. Паводле яго, для гэтага патрэбна афіцыйнае запрашэнне ад улад краіны і выразна выказаная згода Царквы большасці – Беларускай Праваслаўнай Царквы.

“Чакаем візіту, не можам дачакацца. Чакалі Яна Паўла ІІ – не дачакаліся, чакалі Бенедыкта XVI – не дачакаліся. Але, як кажуць у Беларусі, Бог любіць тройцу. Таму молімся, спадзяемся, жывём надзеяй”, – адзначыў іерарх, паведамляе карэспандэнт КРЫНІЦА.INFO.

Каментуючы ж намер БПЦ дамагацца самакіравання, мітрапаліт адзначыў, што не хоча лезці са сваім статутам у чужы манастыр. “Калі прымуць, значыць, так будзе. Гэта іх права. Думаю, што да гэтага далёкі шлях, бо рашэнне павінна быць прынята на саборы. ЦІ будзе прынята, не ведаю”, – заявіў арцыбіскуп.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі