У Мінску прадставілі пераклад Бібліі на цыганскую мову

біблія-цыганыУ Мінску 22 снежня ў царкве адвентыстаў сёмага дня адбылася прэзентацыя Бібліі на цыганскай мове. Аўтар перакладу – ураджэнец Віцебшчыны, былы асветнік Лонданскага муніцыпалітэта адукацыі і старшыня брытанскай Рады цыганоў Валдэмар Калінін.

Працы над перакладам ён прысвяціў 25 гадоў свайго жыцця. Дапамагаў у выдавецтве кнігі старшы біскуп Царквы Адвентыстаў Сёмага Дня ў Беларусі Майсей Астроўскі, паведамляе ў Facebook сябар ЦК Беларускай сацыял-дэмакратычнай партыі (Грамада) Мікола Лавіцкі.

цыганы
Валдэмар Калінін і біскуп Майсей Астроўскі падчас прэзентацыі “цыганскай” Бібліі

Валдэмар Калінін таксама вядомы як паэт. Раней ён выдаў зборнік вершаў на цыганскай, англійскай і беларускай мовах.

OLYMPUS DIGITAL CAMERA
Біскуп Леанід Вараненка, выдавец Сяргей Карнюшка (Пазітыў-цэнтр), біскуп Майсей Астроўскі

Цікава, што ўдзел у прэзентацыі таксама прыняў нядаўна абраны біскуп Рэлігійнага Аб’яднання Абшчын Поўнага Евангелля ў Беларусі Леанід Вараненка, які таксама адзначыў вялікае значэнне перакладу Бібліі на мову народа Рома, уі па простаму – цыганоў. Многія цыганы наведваюць евангельскія цэрквы, у тым ліку і аб’яднання ХПЕ і чытаць слова Божае на роднай мове для іх будзе вельмі карысна і прыемна. Апроч таго, сам візіт біскупа Вараненкі да беларускіх хрысціян-адвентыстаў сведчыць аб жаданні супрацы на ніве евангелізацыі сярод шматлікіх нацыянальнасцяў, што насяляюць Беларусь.

калінін
Валдэмар Калінін

Яшчэ адным важным момантам мерапрыемства стала выкананне песняў на вершы Рыгора Барадуліна. Музычныя творы напісаў і выканаў Аляксандр Віслаўскі, калісцьі музыка з “залатога складу” знакамітых “Песняроў”, а цяпер евангельскі вернік, які сваёй творчасцю служыць людзям і Богу. Для Валдэмара Калініна гэта стала прыемным сюрпрызам, бо працяглы час ён сябраваў і супрацоўнічаў з Барадуліным.

Як паведамляла Крыніца, у Мінску 4 снежня прэзентавана беларускае выданне Новага Запавету ў перакладзе пісьменніка Анатоля Клышкі. Выданне ўбачыла свет у выдавецтве «Пазітыў-цэнтр» пры падтрымцы Аб’яднання цэркваў Адвентыстаў Сёмага Дня  ў Беларусі.

Фота Міколы Лавіцкага і Аляксандра Віслаўскага

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі