Хрысціянскія фільмы: Першы фільм пра Майсея

Дзесяць1 студзеня ў беларускі кінапракат выйдзе фільм “Зыход: каралі і багі”, прысвечаны падзеям біблійнай кнігі “Зыход”. Пакуль жа стужка яшчэ не з’явілася ў беларускіх кінатэатрах, мы прапануем вашай увазе паглядзець, з чаго ўсё пачыналася: самы першы фільм пра зыход габрэйскага народу з Егіпта.

Фільм “10 запаветаў” быў зняты ў далёкім 1923 годзе ў ЗША кінакампаніяй “Paramount Pictures”. Яго здымкі праходзілі ў тыя часы, калі не было не толькі колеру, але яшчэ і гуку.

“Наш сучасны свет вызначае Бога як “рэлігійны комплекс” і насміхаецца з Дзесяці запаветаў як са старамодных. Але скрозь гэты смех надышлі знішчальныя грымоты Сусветнай вайны. І цяпер прасякнуты крывёю, горкі свет больш не смяецца – плача ў пошуках выйсця.

Але ж існуе толькі адно выйсце. Яно існавала да таго, як было выбітае на каменных табліцах. І будзе існаваць, калі камяні разбурацца. Дзесяць запаветаў – гэта не правілы, якія трэба выконваць у якасці асабістай ласкі для Бога. Гэта фундаментальныя прынцыпы, без якіх чалавецтва не можа суіснаваць. Гэта не законы – гэта Закон”, – гаворыцца на пачатку фільма.

Фільм складаецца з дзвюх частак: першая распавядае непасрэдна пра біблійныя падзеі і атрыманне Дзесяці запаветаў, другая – пра тое, што можа здарыцца, калі грэбаваць імі.

Арыгінальная назва: The Ten Commandments

Год выпуску: 1923

Рэжысёр і прадусар: Сэсіл дэ Міль

Сцэнарый: Джэні МакФэрсан

У ролях: Тэадор Робертс, Чарльз дэ Рош, Эстэл Тэйлар, Джулія Фэй, Рычард Дыкс, Род Ля Рок і іншыя.

Краіна: ЗША

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.12.2014 Паглядзець| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты