У Наваполацку ўлады праверылі выкананне заканадаўства аб свабодзе сумлення і веравызнання

NPПасяджэнне камісіі садзейнічання кантролю за выкананнем заканадаўства аб свабодзе сумлення і рэлігійных арганізацыях адбылося 23 снежня ў Наваполацкім гарвыканкаме.

На пасяджэнні прысутнічалі прадстаўнікі аддзелаў Наваполацкага гарвыканкама, гарадскіх арганізацый, былі запрошаныя прадстаўнікі рэлігійных арганізацый. У адміністрацыйную зону Наваполацкага гарвыканкама ўваходзяць чатыры праваслаўныя царквы Полацкай епархіі. На пасяджэнні камісіі размова ішла аб стане рэлігійных арганізацыяў. Папярэдне была правераная дакладнасць вядзення дакументацыі, выканання санітарных і тэхнічных нормаў, выканання заканадаўства аб свабодзе сумлення і веравызнання, паведамляе eparhia992.by.

Прадстаўнікі свецкай улады і рэлігійных арганізацый пазначылі планы дзейнасці на наступны год – святкаванні 70-годдзя Перамогі ў Вялікай Айчыннай вайне, правядзенне урачыстасцяў, прысвечаных 1000-годдзю смерці князя Уладзіміра. Гаварылася аб папулярызацыі вопыту дзейнасці сярэдніх школаў № 14 і № 15, якія атрымалі гранты міжнароднага конкурсу «Праваслаўная ініцыятыва».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі