Памёр колішні міністар сельскай гаспадаркі і палітвязень Васіль Лявонаў

LeoРанкам 4 студзеня памёр колішні міністар сельскай гаспадаркі і палітвязень Васіль Лявонаў,  які паслядоўна выступаў з прапановамі аб рэфармаванні сельскай гаспадаркі, крытыкаваў Лукашэнку, лічыў, што цяперашняя ўлада ў Беларусі – гэта праект Крамля.

Пра гэта паведаміў блізкі да сям’і Лявонава журналіст Аляксандар Коктыш са спасылкай на жонку і дачку нябожчыка на сваёй старонцы ў сацыяльнай сетцы facebook.com.

Падчас выбараў першага прэзідэнта Беларусі ў 1994 Васіль Лявонаў адкрыта падтрымліваў Вячаслава Кебіча, аднак нягледзячы на гэта, прыняў прапанову Аляксандра Лукашэнкі заняць пасаду міністра сельскай гаспадаркі і харчавання. В. Лявонаў не падтрымаў ідэю лістападаўскага рэфэрэндуму 1996 году, пасля чаго ў міністэрстве пачаліся масавыя праверкі.

Васіль Лявонаў паслядоўна выступаў з прапановамі аб рэфармаванні сельскай гаспадаркі і далучэнні яе да рынкавай эканомікі, вызваленні яе ад камандна-адміністрацыйных метадаў, што і сталася асноўнай прычынай ягонага арышту 11 лістапада 1997 году ў працоўным кабінеце. Экс-міністру былі прад’яўленыя абвінавачанні ў крадзяжах маёмасці ў асабліва буйных памерах, атрыманні хабару і  незаконным захоўванні баявых прыпасаў і зброі. На судзе сваёй віны Васіль Лявонаў не прызнаў.

Васіль Лявонаў пакутаваў на шэраг цяжкіх хранічных захворванняў. Стан яго здароўя падчас зняволення значна пагоршыўся, ён перанёс некалькі сардэчных прыступаў.

У 2001 годзе узначаліў аргкамітэт руху «За новую Беларусь». Лявонаў стаў адной з ключавых фігураў у працэсе абрання адзінага кандыдата ад апазіцыі на прэзідэнцкіх выбарах 2001 года.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.01.2015 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты