Нацбанк паменшыў камісійны збор пры куплі насельніцтвам валюты

нацбанкУ Нацбанку Беларусі паведамілі, што памер камісійнага збору пры куплі насельніцтвам замежнай валюты з 6 студзеня зніжаецца да 10%.

Рашэнне прынята рэгулятарам з улікам зніжэння з 5 студзеня падатка на біржавыя аперацыі па набыцці замежнай валюты да 10% (пастанова Саўміна ад 2015/01/04 № 3) і змены афіцыйнага абменнага курсу рубля да даляра (паводле вынікаў таргоў на Беларускай валютна-фондавай біржы 5 студзеня каля 7%).

Як адзначылі ў Нацбанку, гэтыя меры накіраваны на збліжэнне абменных курсаў на розных сегментах валютнага рынку краіны і не прывядуць да павелічэння фактычнага курсу набыцця замежнай валюты для насельніцтва і прадпрыемстваў.

У цэлым сітуацыю на валютным рынку краіны Нацбанк ацэньвае як устойлівую.

Большасць абменных пунктаў і кас банкаў забяспечаны наяўнай замежнай валютай у дастатковых аб’ёмах. Пры гэтым юрыдычныя і фізічныя асобы ў апошні час прадаюць валюты больш, чым купляюць, канстатуе Нацбанк.

Прыток тэрміновых укладаў насельніцтва ў нацыянальнай валюце ў апошнія дні 2014 значна ўзрос.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі