У Віцебску ў царкве “Новае жыццё” пройдзе свята Раства для малых

IMG_0062У Віцебску ў царкве хрысціян веры евангельскай “Новае жыццё” 7 студзеня будуць святкаваць дзень нараджэння Ісуса Хрыста. На свята запрасілі дзяцей разам з бацькамі. І з прычыны таго, што гасцёў шмат, а будынак царквы не вельмі вялікі, свята пройдзе двойчы, паведамляе карэспандэнт КРЫНІЦА.INFO.

Для гасцёў выхаванцы нядзельнай школы разам з настаўнікамі падрыхтавалі святочную праграму: песні, вершы, сцэнічныя выступы. Вядома, уся праграма будзе прысвечана дню нараджэння Госпада Ісуса Хрыста. І, як звычайна на Раство, маленькія госці атрымаюць падарункі.

Такія святы праводзяцца штогод з пачатку існавання царквы “Новае жыццё”. Мяняюцца толькі ўдзельнікі свята. За 20 гадоў выхаванцы нядзельнай школы змяніліся ўжо не раз: некаторыя сталі дарослымі, маюць свае сем’і і сваіх дзяцей, а іншыя вучацца ў старэйшых класах і дапамагаюць настаўнікам нядзельнай школы рыхтаваць святочныя праграмы і цікавыя заняткі для малых.

Напярэдадні Новага года, 25 і 27 снежня, святочныя праграмы былі арганізаваныя для дарослых, для чальцоў царквы і для тых, хто наведвае такія ўстановы толькі на Раство і Пасху. Як заўсёды, такія мерапрыемствы пакідаюць добрыя ўспаміны на доўгі час і жаданне прыйсці сюды зноў.

Звычайна службы ў царкве “Новае жыццё” праходзяць у нядзелю а 10:00 па адрасе: вуліца Віцебская, 25Б.

Крысціна Авакумава

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
06.01.2015 Абвесткі, Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты