“Крынічка”. Нядзельная школка – Хто такі Бог?

ребёнок-молитсяДарагія таты і мамы!

Бог ёсць.

Калі вы таксама ў гэта верыце, мы можам у нашай рубрыцы “Крынічкі” абмеркаваць, як данесці гэта да дзяцей і ўмацаваць іх у веры.

Калі сумнеяцеся альбо не верыце – спадзяемся на вашую ўвагу, каб пастарацца разабрацца разам.

У нядзельнай школцы “Крынічкі” мы будзем простай мовай гаварыць аб Госпадзе, Бібліі і аб нашай веры.

Зразумела, што веры ў Госпада немагчыма навучыць шляхам разбору некалькіх хрысціянскіх формул. Гэта не робіцца за некалькі заняткаў або размоў. Гэта справа доўгая, і ключавая роля ў ёй належыць вам, бацькам.

Толькі вы, паказаўшы на сваім прыкладзе, што Госпад блізка, што да Яго можна звяртацца ў любы момант, што Ён любіць кожнага, можаце навучыць дзяцей глыбока маліцца і верыць. Менавіта бацькі павінны весці дыялог з душой дзіцяці і разам шукаць Бога. Калі ў бацькоў хрысціянскі лад жыцця, то падобным жа чынам будуць паводзіць сябе і дзеці.

Хто такі Бог?

Бог – гэта Стваральнік. Ён стварыў усё, што вакол нас: зорнае неба, зямлю і іншыя планеты, расліны, усіх жывёл і птушак, а таксама чалавека, гэта значыць нас з вамі.

Калі Бог стварыў неба і зямлю і ўсё астатняе, значыць усё, што вакол, належыць Яму?

Так, усё, у тым ліку і мы з вамі, належыць Богу. Таму Бога яшчэ называюць Госпадам альбо Царом.

А адкуль Бог з’явіўся і колькі Яму год? Хто Яго стварыў?

У Бога няма ўзросту, і Яго ніхто не ствараў. Бог – вечны, Ён быў заўсёды.

А дзе Бог жыве: у лесе, на небе ці ў моры? Дзе Яго дом?

Увесь вялікі сусвет з’яўляецца домам Бога, таму Ён можа жыць у любым месцы і таму Ён заўсёды знаходзіцца побач з намі.

На наступным занятку нашай нядзельнай школкі мы адкажам на пытанні: Як Бог выглядае, на каго Ён падобны? Ці можам мы ўбачыць Бога? З кім Бог размаўляе?

Падрыхтавала Вольга Севярынец

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
11.01.2015 Цікава ведаць| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты