Калядныя акцыі дабрыні працягваюцца ў Гомелі, Ваўкавыску і Жабінцы

gom-invaВыхаванцы нядзельнай школы пры праваслаўным храме іконы Божай Маці “Хуткаспрыяльніца” разам з настаяцелем ігуменам Мяфодзіем (Казаковым) 10 студзеня наведалі сем’і дзяцей-інвалідаў, – павіншавалі з Калядамі і ўручылі падарункі, паведамляе eparhiya.by.

9 студзеня чальцы ваўкавыскага моладзевага брацтва ў гонар святых Віленскіх пакутнікаў разам з клірыкам храма Дабравешчання Найсвяцейшай Багародзіцы іерэем Сергіем Дзяшуком наведалі Ваўкавыскі дзіцячы дом. Пасля віншавальнага словы святара братчыкі паказалі дзецям мультымедыйную прэзентацыю аб тым, як святкуюць Каляды ў розных краінах, арганізавалі рухомыя гульні, а затым – салодкі стол, паведамляе orthos.org.

У Жабінцы 8 студзеня моладзь брацтва ў гонар Свяціцеля Кірылы Тураўскага разам з настаяцелем Пакроўскага храма Сергіем Петрусевічам і клірыкам святаром Андрэем Петрусевічам наведалі сем’і дзяцей з асаблівасцямі фізічнага развіцця, паведамляе ekklisia.by.

Музычна-песенныя Калядныя віншаванні парадавалі дзяцей і іх бацькоў. Кожнаму дзіцяці святары ўручылі падарунак, а сям’і – харчовы набор.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі