2015 для моладзі менскай «Новага жыцця» будзе годам падзей

2015-01-10mol-300x294

Змяняй жыццё да лепшага праз сяброўства з Богам. Такі заклік і пажаданне было на гэты год для моладзі хрысціянскай поўнаевангельскай царквы “Новае жыццё” Мінска.

На першым моладзевым служэнні ў пачатку года 10 студзеня юнакі і дзяўчаты сабраліся разам, каб праславіць Бога, падзякаваць за ўсё добрае, што ёсць у іх жыцці, і прасіць блаславення на 2015 год. Моладзевы пастар Ілля Ганчарэнка ўпэщнены, што гэты год павінен стаць для маладых людзей Годам Падзей.

«Жадаю ўсім быць напоўненнымі Духа Святога. Бо толькі цесныя ўзаемаадносіны з Богам могуць кардынальна змяніць наша жыццё да лепшага!»- сказаў Ілля Ганчарэнка.

Таксама ў моладзевым служэнні прымаў удзел пастар царквы Вячаслаў Ганчарэнка, паведамляе newlife.by. Яго пропаведзь заклікала моладзь не жыць для сябе, а шукаць волю Божую ў сваім жыцці, жыць для Хрыста і тых, хто побач.

Другая частка хрысціянскага моладзевага служэння складалася з Біблейскай віктарыны.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі