Каталікі з Мінска прадставілі спектакль пра Ісуса, аборты, ЭКА і варажбітак

2015-01-13-pastanouka5

Каталіцкая моладзь з Мінска, з якой працуе палатын ксёндз Яўген Эйсмант SAC, прадставіла пастаноўку, прысвечаную Божаму Нараджэнню, у парафіі Святых Сымона і Юды Тадэвуша ў Воранаве.

Сцэнар быў напісаны ўласнаруч моладдзю. Яны ўзнялі такія праблемы сучаснага свету, як аборт, ЭКА, выкарыстанне дапамогі чарадзеяў і вядзьмарак. Праз пастаноўку гучала думка, што ў свеце існуе яшчэ шмат людзей, якія не ведаюць або да канца не разумеюць, што ўсё гэта вельмі небяспечна, паведамляе catholic.by.

Дзеянні ў пастаноўцы адбываюцца напярэдадні Божага Нараджэння. Паказаны лёс дзвюх сямей-суседзяў. Адна сям’я верніцкая, у якой муж і жонка ніяк не маглі зачаць дзіця. І таму яшчэ больш маліліся Богy. Яны вырашылі нарэшце ўзяць дзіця з прытулку. Другая сям’я не ведала Бога і не давярала Яму. У іх была такая сама праблема. Але яны абралі не хрысціянскія спосабы вырашэння: спачатку звярнуліся па дапамогу ЭКА, а калі нічога не атрымалася — пайшлі да бабкі-варажбіткі.

Заканчваецца спектакль тым, што Бог пасылае дзіця верніцкай сям’і, а другая прыходзіць да Бога з пакаяннем.

25 студзеня пастаноўку ўбачаць у Нясвіжы, а 8 лютага — у Бярозе.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
13.01.2015 Навіны цэркваў| Тэгі: , , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты