Беларускія банкі могуць аднавіць крэдытаванне насельніцтва пасля 1 лютага

нацбанкНацбанк Беларусі, які рэкамендаваў ў снежні 2014 камбанкам стрымліваць рост крэдытнага партфеля да 1 лютага 2015 года, не мае намеру падоўжыць дзеянне рэкамендацыі пасля 1 лютага. Пра гэта паведамілі ў Нацбанку.

Рашэнне насіла часовы характар. Разам з тым, як адзначылі ў Нацбанку, прапанова грошай у эканоміцы будзе абмяжоўвацца такім чынам, каб аб’ёмы крэдытавання не парушалі макраэканамічную збалансаванасць і фінансавую стабільнасць.

У цэлым за 2015 прырост патрабаванняў банкаў да эканомікі прагназуецца ў межах 17-22% у залежнасці ад развіцця сітуацыі.

У дачыненні да крэдытавання дзяржпраграм урадам і Нацбанкам прынята рашэнне фінансаваць новыя праекты праз Банк развіцця. Камерцыйнае крэдытаванне будзе ажыццяўляцца банкамі, але рэсурсы будуць накіроўвацца выключна на фінансаванне эфектыўных праектаў, з высокай аддачай, паведамілi у Нацбанку.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі