Следчы камітэт закрыў беспрэцэдэнтную крымінальную справу па сурагатнаму мацярынству

WMtOTAyYW.jpg.480x0_q90Галоўным следчым упраўленнем завершана расследаванне беспрэцэдэнтнай крымінальнай справы ў сферы парушэння заканадаўства аб дапаможных рэпрадуктыўных тэхналогіях.

Крымінальны пераслед ажыццяўляўся ў адносiнах да iндывiдуальнай прадпрымальнiцы Колесень О.М. па двух артыкулах Крымінальнага кодэкса Беларусi: незаконная прадпрымальніцкая дзейнасць, падробка дакумента. Аб гэтым паведамляе Следчы камітэт Беларусi.

Жанчына падазравалася ў тым, што з 2010 па 2014 гады ў парушэнне дзеючага заканадаўства аказвала грамадзянам паслугі па суправаджэнні праграмы «сурагатнае мацярынства».

Пасля поўнага ўстанаўлення ўсіх абставінаў супрацьпраўнай дзейнасці падазраванай, следства завяршылася. З прычыны акта амністыі прынята рашэнне аб спыненні крымінальнай справы па нерэабілітуючых падставах.

У працэсе расследавання высветлілася, што дзеючае заканадаўства не дазваляе эфектыўна кантраляваць працэс ажыццяўлення сурагатнага мацярынства ў  Беларусі. У выніку, следчы камітэт прааналізаваў і падрыхтаваў шэраг прапаноў, якія накіравалі на адрас урада Беларусi.

Колесень зарэгістравалася ў якасці індывідуальнага прадпрымальніка і арганізавала працу па зводніцтву жанчын, якія жадаюць стаць сурагатнай маці, і шлюбных пар, у якіх жанчына не магла зачаць дзіця. За пасрэдніцтва атрымлівала ад шлюбнай пары ўзнагароджанне ад 2 000 да 4 500 еўра, паведамілі ў Cледчым камітэце Беларусі.

Дакладную інфармацыю аб сурагатных маці падазраваная сваім кліентам не давала. Неаднаразова падрабляла медыцынскія і іншыя дакументы.

У далейшым яна, за асобнае ўзнагароджанне ў памеры ад 2 000 да 2 500 даляраў, перадавала сурагатным маці дакументы, якія пацвярджаюць правядзенне ЭКА ў клініцы  Санкт-Пецярбурга. Хоць жанчыны там не былі. Пасля дадзеныя дакументы накіроўваліся юрысту арганізацыі аховы здароўя, дзе нараджаліся дзеці, і афармлялася іх перадача.

Былі выпадкі, калі сурагатная маці ў адносінах да народжанага ёю дзіцяці з’яўлялася генетычнай мацi, што забаронена арт. 22 Закона Беларусi “Аб дапаможных рэпрадуктыўных тэхналогіях». І ў выніку – прадавала сваё дзіця.

У некаторай ступені, недасканаласць заканадаўства ў галіне ажыццяўлення сурагатнага мацярынства з’явілася адным з фактараў, якія садзейнічалі ўчыненню Колесень О.М. супрацьпраўных дзеянняў.

Паміж Міністэрствам юстыцыі і Міністэрствам аховы здароўя пакуль няма адзінага меркавання аб неабходнасці ліцэнзавання кансалтынгавых паслуг у галіне сурагатнага мацярынства.

Супрацоўнікі следчага ўпраўлення акцэнтуюць увагу на неабходнасці распрацаваць і заканадаўча замацаваць нормы кантролю за правядзеннем праграм сурагатнага мацярынства, якія дазваляюць выключыць магчымасць незаконнай перадачы такіх дзяцей, забяспечыць бяспеку іх жыцця, здароўя і ўмоў выхавання.

А на падставе існуючага заканадаўства, у ходзе расследавання крымінальнай справы, следства прыйшло да высновы, што ў дзеяннях Колесень О.М. адсутнічае склад злачынства, прадугледжаны арт. 181 (гандаль людзьмі) Крымінальнага кодэкса Беларусi.

Следчы камітэт разлічвае, што зацікаўленыя ведамствы прымуць неабходныя меры па ўдасканаленні заканадаўства ў гэтай сферы медыцыны.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
21.01.2015 Здарэнні| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты