Лютэранскі пастар: Экуменізм — не ідэалогія і не праграма, гэта — стыль жыцця

татарниковПастар Евангельска-лютэранскай Царквы Уладзімір Татарнікаў адзначыў у каментарыі Catholic.by з нагоды Тыдня малітваў аб еднасці хрысціян, што экуменізм пачынаецца з даверу Госпаду, які хоча бачыць нас як адзінства.

Паводле яго слоў, менавіта супрацоўніцтва і прымірэнне розных хрысціянскіх канфесій – адно з найлепшых сведчанняў Евангелля ў свеце і закліку Хрыста «каб былі ўсе адно».

18-25 студзеня ва ўсім свеце праходзіць Тыдзень малітваў аб еднасці хрысціян. 24 студзеня ў мінскай архікатэдры адбудзецца экуменічная малітва з удзелам прадстаўнікоў розных хрысціянскіх канфесій, таксама падобная малітва пройдзе і ў Гродне.

Як зазначае Уладзімір Татарнікаў, ёсць шэраг экуменічных дакументаў, але экумена не павінна існаваць толькі на паперы. Гэта не ідэалогія, не праграма, гэта — стыль жыцця, якi утрымлівае ў сабе чатыры асновы хрысціянскага жыцця: зносіны, малітву, сведчанне і служэнне бліжняму, лiчыць ён.

Сёння ад нас, хрысціян, залежаць узаемаадносіны паміж намі, сказаў пастар.

Лютэранская Царква заўсёды была гатовая да адкрытага дыялогу з прадстаўнікамі хрысціянскіх канфесій, заявіў  Уладзімір Татарнікаў.

Ніхто не павінен прыносіць сваю ідэнтычнасць у ахвяру экуменэ, але павінен прызнаць за іншымі права на існаванне, — адзначыў ён.

Таму, хто яскрава ўсведамляе сваю ідэнтычнасць, прасцей прыняць ідэнтычнасць іншага, лiчыць Уладзімір Татарнікаў.

Пастар таксама адзначыў, што адным з яркіх прыкладаў служэння бліжняму з’яўляецца ўзаемадзеянне ў сацыяльнай сферы, і адзін з такіх прыкладаў — супрацоўніцтва каталіцкага «Карытас», праваслаўнага сацыяльнага аддзела і лютэранскага дыяканскага цэнтра.

Бачачы прымірэнне паміж хрысціянамі, людзі хутчэй знаходзяць шлях да прымірэння адзін з адным і з Богам, сказаў Уладзімір Татарнікаў.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі