Рэферэндум аб сям’і пройдзе ў Славакіі 7 лютага

Andrej_Kiska_Senate_of_Poland

У Славакіі пройдзе восьмы па ліку рэферэндум. Ініцыятарам яго правядзення выступіла грамадская арганізацыя «Альянс за сям’ю», якая сабрала ў яго падтрымку подпісы 400 тысяч славацкіх грамадзян. Прапаноўвалі вынесці на рэферэндум чатыры пытанні, але Канстытуцыйны суд зацвердзіў тры, паведамляе Міжнароднае радыё Славакіі.

Прэзідэнт Славакіі Андрэй Кіска абвясціў рэферэндум пра сям’ю і дату яго правядзення – 7 лютага 2015.

Грамадзянам трэба будзе адказаць на наступныя пытанні:

– Ці згодныя Вы з тым, каб шлюбам не магло называцца ніякае іншае сумеснае жыццё асоб, акрамя саюза аднаго мужчыны і адной жанчыны?

– Ці згодныя Вы з тым, каб парам або групам аднаго полу не было дазволена ўсынаўленне дзяцей і іх наступнае выхаванне?

– Ці згодныя Вы з тым, каб школы не маглі настойваць на ўдзеле дзяцей ва ўроках аб сексуальных паводзінах або эўтаназіі, калі іх бацькі або самі дзеці не згодныя са зместам навучання?

Каб рэферэндум адбыўся, у галасаванні павінны ўдзельнічаць больш за 50% выбаршчыкаў. Пакуль што гэта адбылося толькі адзін раз, калі ў 2003 годзе прымалася рашэнне аб уступленні Славакіі ў Еўрасаюз. Яно было адобрана больш чым 52% выбаршчыкаў. Правядзенне сямі папярэдніх рэферэндумаў абышлося амаль у 30 млн еўра.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі