Духавенства Гродна і Жабінкі сустрэлася з прадстаўнікамі свецкіх інстытутаў

borichevskiyСустрэча прадстаўнікоў духавенства праваслаўнай Гродзенскай епархіі са студэнтамі Гродзенскага дзяржаўнага прафесійнага электратэхнічнага каледжа ім. І. Шчаснага адбылася 22 студзеня ў царкоўна-прыходскім комплексе пры Свята-Пакроўскім катэдральным саборы.

Калядная гутарка іерэя Віктара Калацкага, дыякана Дзмітрыя Шэпялёва і дыякана Аляксандра Калацкага ўяўляла сабой чаяванне з адказамі на пытанні і інтэлектуальнымі гульнямі, паведамляе orthos.org.

23 студзеня настаяцель гродзенскага храма іконы Божай Маці «Спагнанне загінуўшых», клірык Свята-Пакроўскага сабора Валерый Барычэўскі сустрэўся з дырэктарам Гродзенскага дзяржаўнага вучылішча алімпійскага рэзерву Тадэвушам Калошычам і адміністрацыяй каледжа. Мэтай гутаркі было дасягненне дамоўленасці аб супрацоўніцтве ў плане духоўнага акармлення студэнтаў.

21 студзеня старшыні райвыканкамаў Гродзенскай вобласці ў рамках навучальнага семінара, які правадзіўся Гродзенскім аблвыканкамам, наведалі Каложскі Барыса-Глебскі храм. Аб гісторыі і асаблівасцях архітэктуры старажытнага храма Гродзенскай зямлі гасцям распавёў кіраўнік місіянерска-катэхітычага аддзела Гродзенскай епархіі пратаіерэй Георгій Рой. Таксама ішла гаворка пра перспектывы турыстычных паездак з рэгіёнаў Гродзеншчыны ў Каложскі храм, паведамляе church.by.

18 студзеня благачынны цэркваў Жабінкаўскай акругі святар Сергій Петрусевіч прыняў удзел ва ўрачыстым сходзе, прысвечаным 75-годдзю ўтварэння Жабінкаўскага раёна. Па заканчэнні ўрачыстай часткі быў дадзены прыём ад кіраўніцтва горада, у час якога благачынны звярнуўся да прысутных са словамі віншавання, у прыватнасці, сказаўшы: «Карыстаючыся выпадкам, хачу падзякаваць тых кіраўнікоў прадпрыемстваў, хто ад усяго сэрца імкнецца дапамагчы будаўніцтву новага храма ў нашым горадзе», паведамляе ekklisia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
24.01.2015 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты