На 1 студзеня дзяржаўная пазыка Беларусі складала 197, 5 трлн. рублёў

dolgДзяржаўная пазыка Беларусі, якая склала на пачатак года, як паведаміла 30 студзеня міністэрства фінансаў краіны, 197, 5 трлн. рублёў, павялічылася на працягу мінулага года на 28,2%, інакш кажучы, на 43,4 трлн.

Знешняя дзяржаўная пазыка Беларусі за 2014 год з улікам курсавых розніцаў павялічылася на 1,1% да 12,6 млрд. долараў. За 2014 год Беларусь прыцягнула знешніх дзяржаўных пазыкаў на 5,2 млрд. долараў, 4,5 млрд. з якіх далі ўрад і банкі Расіі. 626, 3 млн. долараў прыцягнута ў выглядзе пазыкаў ад кітайскіх банкаў, менш за 50 млн. долараў падалі Міжнародны і Еўрапейскі банкі рэканструкцыі і развіцця, паведамляе telegraf.by.

На пагашэнне знешняй дзяржаўнай пазыкі Беларусь ў 2014 годзе накіравала больш за 4,5 млрд. долараў, з якіх вялікая частка сумы пайшла на пагашэнне крэдытаў Расіі (2, 72 млрд. долараў) і Міжнароднага валютнага фонду (1, 26 млрд. долараў).

Унутраная дзяржаўная пазыка на 1 студзеня склала 48,4 трлн. рублёў, павялічыўшыся з пачатку года на 12,7 трлн. рублёў альбо на 35,5% з улікам курсавых розніцаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
31.01.2015 Грамадства| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты