Іерархі Беларускага Экзархата ўдзельнічалі ў патрыяршым богаслужэнні ў Маскве

moskvaУ шостую гадавіну інтранізацыі Патрыярха Маскоўскага і ўсяе Русі Кірыла 1 лютага ў кафедральным саборным Храме Хрыста Збавіцеля ў Маскве была здзейснена Боская літургія.

Да набажэнства пасля рэстаўрацыі быў прынесены Смаленскi абраз Божай Маці «Адзігітрыя», паведамляе church.by.Цудатворны абраз у Храме Хрыста Збавіцеля будзе даступны для пакланення вернікаў да 10 лютага, а затым яго перанясуць у Успенскі кафедральны сабор Смаленска, дзе ён знаходзіўся з пачатку XVII стагоддзя.

Прадстаяцелю РПЦ у ліку іншых саслужыў і мітрапаліт Мінскі і Заслаўскі Павел.

Патрыярху саслужылі таксама прадстаўнікі памесных праваслаўных Цэркваў.

Прадстаяцель Рускай Царквы узнёс малітву аб міры на Украіне.

Мітрапаліт Ануфрый абвясціў віншавальны адрас ад імя членаў Святога Сінода РПЦ і паднёс Патрыярху вобраз Збаўцы.

Прадстаяцель Рускай Праваслаўнай Царквы звярнуўся да прысутных з першасвятарскім словам, а затым уручыў царкоўныя ўзнагароды.

Па завяршэнні Літургіі дэлегацыя Беларускай Праваслаўнай Царквы на чале з мітрапалітам Паўлам павіншавала Уладыку са знакавай датай.

2 лютага ў кафедральным саборным Храме Хрыста Сабору праводзіцца Архірэйская Нарада РПЦ.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі