Праваслаўныя святары правялі шэраг сустрэчаў з дзецьмі

osvБлагачынны Капыльскай царкоўнай акругі, настаяцель Спаса-Ўзнясенскага храма пратаіерэй Сергій Чарны разам з прыхаджанамі 30 студзеня наведаў сацыяльна-педагагічны цэнтр, які стаў часовым прытулкам для дзяцей, што апынуліся ў экстрэмальнай сітуацыі.

Айцец Сергій пагутарыў з дзецьмі, а таксама звярнуўся са словам настаўлення да выхавальнікаў, пажадаўшы ім знаходзіць у сабе бацькоўскае цяпло ў адносінах да дзяцей, якія апынуліся пад іх апекай. Уручыўшы дзецям невялікія падарункі, а. Сергій акрапіў святой вадой памяшканні прытулка, паведамляе sluck-eparchiya.by.

Дзень маральнасці і дабра, які адбыўся 29 студзеня ў Ваўкавыскім дзіцячым доме, уключыў у сябе мультымедыйна-забаўляльны ўрок пра пошук і расстаноўку жыццёвых прыярытэтаў, пасля якога адбылася сустрэча выхаванцаў з клірыкам храма Звеставання Найсвяцейшай Багародзіцы іерэем Сергіем Дзяшуком. Айцец Сергій падняў пытанне аб важнасці духоўнага здароўя і правільнага маральнага выхавання з самага ранняга ўзросту, паведамляе orthos.org.

У Жабінцы ў гэты ж дзень адбылася сустрэча сямікласнікаў СШ № 2 з клірыкам Пакроўскага храма святаром Андрэем Петрусевічам. Тэматычная гутарка была прысвечаная асобе князя Уладзіміра, хрысціцеля Русі. Айцец Андрэй паказаў падлеткам фільм пра Хрышчэння Русі, распавёў пра важнасць гэтага цывілізацыйнага выбару, адказаў на пытанні навучэнцаў, паведамляе ekklisia.by.

28 студзеня настаяцель храма іконы Божай Маці «Неспадзяваная Радасць» у Наваполацку пратаіерэй Аляксандр Карандзей асвяціў памяшканні дзіцячага садка № 3, пасля чаго адбылася размова з калектывам пра хрысціянскае разуменне любові да бліжняга, паведамляе eparhia992.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
02.02.2015 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты