ЮНІСЕФ накіруе 2,7 млрд. еўра для дапамогі дзецям з зонаў ваенных канфліктаў

joana barberisАб зборы і накіраванні сродкаў на дапамогу дзецям з раёнаў, пацярпелых ад ваенных канфліктаў і стыхійных бедстваў, абвясціў ЮНІСЕФ. Па дадзеных Міжнароднага надзвычайнага дзіцячага фонду ААН, у 71 краіне свету такіх дзяцей налічваецца 230 млн.

Па падліках экспертаў ЮНІСЕФ, агульная сума, неабходная для дапамогі дзецям з “гарачых кропак”, складае 2,7 млрд. еўра. 900 млн. еўра будуць накіраваныя ў Сірыю, дзе па прычыне грамадзянскай вайны бежанцамі сталі больш за 6 млн. дзяцей. 500 млн. прызначаныя для Заходняй Афрыкі, дзе эпідэмія Эболы пакінула ў сацыяльнай ізаляцыі тысячы сіротаў. 26 млн. еўра будзе накіравана ў Нігерыю, больш за мільён бежанцаў з якой накіраваліся ў суседні Чад, ратуючыся ад экстрэмістаў групоўкі “Бока Харам”, паведамляе romereports.com.

У Еўропе асноўным атрымальнікам грашовых сродкаў стане Украіна – для дапамогі 2 млн. дзяцей, якія пацярпелі ад ваеннага канфлікту, прызначана 30 млн. еўра,

«Мы сур’ёзна занепакоеныя уплывам канфлікту на жыццё дзясяткаў тысяч дзяцей, асабліва з найбольш неабароненых слаёў насельніцтва. Самымі неабароненымі з’яўляюцца дзеці, якія жывуць у бомбасховішчах, пазбаўленыя вады, санітарыі, харчавання, магчымасці хадзіць у школу і належнага медыцынскага дагляду», –  кажа прадстаўнік ЮНІСЕФ ва Ўкраіне Джавана Барбэрыс.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
03.02.2015 У свеце| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты